Նարդի ՛՛Արգենտինական Տանգո՛՛ հեղինակային եզրագծով

Այս հեղինակային մոդելի նարդին պատրաստված է հաճարենու մեկ զանգված փայտից, որի վրա փորագրված է Արգենտինական տանգո: Ամբողջությամբ ձեռագործ աշխատանք է: Պատված է մեղրամոմով, ծխնիներն ու փականները ձուլված են բրոնզից: Նարդու խաղադաշտը մեկ զանգված փայտից է: Նարդու մյուս կողմում շաշկու համար նախատեսված դաշտ է: Արժեքի մեջ ներառված են` 32 խաղաքարեր պատրաստված հաճարենու և ընկուզենու փայտերից, որոնց հիմքը պատված է թավշյա կտորով, զառեր՝ պատրաստված բիլիարդի գնդերից,ֆիրմային պայուսակ՝ փայտե բռնակով: Նարդու համար տրվում է 25 տարվա երաշխիքային հավաստագիր: