Շախմատ՝ Արարատի ուրվագծով

Հեղինակային մոդելը՝ վեհաշուք Արարատ լեռան ուրվագծով շախմատը, պատրաստված է հաճարենու մեկ զանգված փայտից։ Արարատ լեռան ուրվագծով շախմատի հեղինակն է Հրաչյա Օհանյանը՝ 2000թ-ից ի վեր: Այս մոդելի խաղադաշտը բացելիս մրցակիցները լեռանը նայում են տարբեր կողմերից՝ Հայաստանից և Թուրքիայից: Ամբողջությամբ ձեռագործ աշխատանք է: Լաքապատ է, թվերը և տառերը փորագրված են, ծխնիներն ու փականները ձուլված են բրոնզից: Արժեքի մեջ ներառված են՝ 32 խաղաքարեր պատրաստված հաճարենու և ընկուզենու փայտերից, որոնց հիմքը պատված է թավշյա կտորով, ֆիրմային պայուսակ՝ փայտե բռնակով: Շախմատի համար տրվում է 25 տարվա երաշխիքային հավաստագիր: